好耐無update過啦，呢排都無咩特別事ma。

唔知能唔能夠轉型成功呢？

7月係一個生日月，諗諗下都有7個朋友都係7月生日架wor。

大破財月呀！

奇跡

上星期五返左大陸, 同朋友係廣州行完街就一齊返酒店。

落車的時候，朋友唔小心跌左個電話係巴士上。

之後立刻飛奔返去架巴士上面搵，由落車再去返巴士，都唔過3分鐘。

上返去巴士，竟然唔見部電話，問返司機，佢話無人上過車，係得個清潔阿嬸上過去清潔。

我地落車果度係總站，我地係最後落車既人，我諗除左司機可以執到個電話，就係個阿嬸！

我打返去我朋友個電話，係打得通架，司機身邊無電話響，可能就係個阿嬸度。

立刻去審問個阿嬸，阿嬸死都話無，我話要搜佢d野，佢話任我搜。

但我朋友個電話一直都打得通，我覺得醒目既人執到電話都即刻熄機啦，應該係d唔識用電話既阿嬸先咁死蠢。

問極佢都唔認，我都已經發晒火，問候晒佢全家再咀咒埋佢合家富貴，不得好死.....下刪幾十字

佢都死口話無，咁無辦法啦，我地唯有自己搵，搵晒四周都搵唔到，我連佢地d單車都搵埋，都係無...........無奈

但電話就一直都通.......最後我發癲話要搜佢地身，佢地又話我無權，心諗乜係大陸都會講有無權架咩.......另一d人仲要係咁講你地自己跌左，自己都唔岩啦.........聽到火都黎埋見人就想鬧

最後決定報警處理。我都未試過係大陸報警！

我一直深信係個阿嬸收埋左個電話，死心不息要佢交返出黎。

警察來到，個阿嬸唔知死左去邊，最後原來佢上左另一架車扮清潔。

最後d警察叫佢交返個電話出黎平息件事就算，開頭仲死口唔認有見過，跟住又話丟左去垃圾箱。

聽到既時候又係火都來，開口係咁鬧，我話拾遺不報同偷有咩分別呀

跟住d警察呀，仲要話返我轉頭，話我唔可以咁話人，話個阿嬸都肯交返出來，你自己跌左個電話都係你自己唔岩先.......

最後，都搵得返個電話，果刻好似真係執到金一樣呀！

從來都覺得係大陸跌左野十成都唔會搵得返，尤其係d貴重野，今次搵得返都算係一個奇跡。

多謝！

突如其來